ماعاد الـي فالـدار والديـره .. مقـام.~.
ماعاد الـي فالـدار والديـره .. مقـام
ودّعتـك الله ياهـواي .. انـا مشيـت
بغيت اقول : اللي حفظتـه مـن كـلام
لكن ذكرت الله ، وعفـوه ، واستحيـت
مصايـب الدنيـا هـدام // بـلا ختـام
بريت .. من جرحي ولا كنّي .. بريـت
الناس تبدا العيـش لأهـداف ، ومـرام
وانا .. قبل لا أبدا مع الناس .. انتهيت
مطالبـي عيّـت .. تجينـي بإحـتـرام
حتى ليا من جيت ابا ابكي .. ماقويـت
كنّي .. مع الفجّ الخلاوي .. فـي دوام
اروح ابا ابكي دمّ .. وارجـع مابكيـت
على انّـه اقسـى .. ماتمنّـاه الأنـام
عطيت .. من جهدي ولكن .. ماخذيـت
واحظي اللي .. تورد الهيـم / الهيـام
بليتني مـن شـرّ وقتـي .. وابتليـت
متـى تورّدنـي علـى عيـد الصيـام
وارتاح من جـور الزمـان المستميـت
وانا ما حـرّم حـل .. واحـلْ الحـرام
لقيت خلـق الله تشـري .. واشتريـت
شريت .. من عمر العواطف ، والغـرام
وبنيت مملكة المشاعر بيـت .. بيـت
كلّه لعيـن اللـي لبـس لجلـي زمـام
واللي .. على دلّي يسوي .. ما اشتهيت
اللـي عيونـه ماتهـنّـا .. فالمـنـام
الا اذا عينـي تهـنّـت .. فالمبـيـت
اللي مكاتيبه .. مـن اسـراب الحمـام
واللي وعيده يخلق من الحـيّ .. ميـت
ابـوه مـن خيـرة رفيعيـن المـقـام
اللـي لهـم فالمملكـه جـاهٍ وصـيـت
لو يطلبه يرقى // علـى متـن الغمـام
رقّاه .. واشعل من ظلام الليل .. ليـت
امْنعّمه في سلـم ، واسـلام ، وسـلام
كنّه يقول اشبع غرورك .. ماحييت ..!!
لكن ياليته علّمـه .. معنـى الخصـام
وانّي مـن ابعـاده ، وفرقـاه انكويـت
مايزبن الضلـع الزبيـن .. الاّ الحيـام
اللي على هدّاج .. واللي فوق .. هيـت
وانـا زبنتـك يامعنّيـنـي .. مــدام
مالي سواك .. من الخلايق لـو عنيـت
تعبـت مـن فقـدك عليّـه بالـحـرام
دريت عن بلواي .. والا مادريـت ..!!
