وش تنفع المجروح كلمة آسف
((وش تنفع المجروح كلمه آسف))!؟
وش تنفع المجروح كلمة( آسف)
و(حقك علي) و(هذي آخر مره)
وفري كلامك والحنان الزايف
ما عاد لك في عين صبري نظره
امشي وكني من جروحي واقف
واضحك وفي صوتي تبان العبره
كذاب من يضحك وجرحه نازف
ويسامح الخاين وينسى غدره
.................................
من كثر ماحبيت ... عشتك خايف
ومن كثر ما قلبي ترك لك أمره
لو قلتي لي إن الرياض الطايف
والمملكه صارت بسطح القمره
ما كنت إلا أصدقك ما خالف
وأبصم على ما قلت لي بالعشره
لكن خسرت الحب وانتي عارفه
صدق الهوى فيني ... وذقت الحسره
ما يوصف الموصوف وصف الواصف
((والشوك ما تطلع بذوره زهره))
يا سيدتي ما عاد تنفع (آسف)
وما تنفع الأعذار ...خاينة عشره
.................................
