"رولات الشاورما "
الشاورما ليست جديده ولكن حاولت تقديمها بشكل بسيط وسهل
تقدرون تسوونها متى ما اشتهيتوها وبطعم بدون مبالغه لذييييييييييذ
بس اتبعو الطريقه وبتلقون اللي يسركممعليكم من الطريقه الطويله ترا تنفيذها ما ياخذ اكثر من ساعه ونصف
~
المقادير والطريقه
]صدور دجاج مقطعه قطع صغيره متبله بــهذه الخلطه
|| ليمون + خل + ملح + فلفل اسود + كمون + روب + ثوم ||
توضع جميع المقادير السابقه في الفرامه وتفرم و نضعها على الدجاج
ونضعها في الثلاجه لمده ساعتين
بعدها نضع في مقلى شوي زيت نضيف له الدجاج لحد ما يستوي
نكون مجهزين فحمه نحطها في فنجان مع قطع صغيره من البصل والفليفله وزيت ونحطها في المقلاه ونغطيها
علشان يعطينا ريحة ونكهة الشوي في الدجاج
النتيجه كذا
في الوقت اللي يجهز فيه الدجاج
نجهز السلطه عباره عن || بقدونس مفروم - طماطم شرايح - بصل شرايح - خيار مخلل ||
و ثوميه
نحط في الفرامه بياض بيضه وحده + 2 ملعقة طعام زيت + عصير ليمون + ملح + خل + فصين ثوم
نفرم ونحطها بعده في مقلاه على النار حتى يتكتل وبس
و الطحينيه " ملعقتين طعام طحينيه + ليمون + خل + ملح+ روب+ قليل من الماء "
خبز ابيض يفضل طازج
نقطعه نصفين و نستخدم كل نصف لوحده كذا
نبدا بعمل رول الشاورما
في طرف الخبزه ضع قليل من الطحينيه علشان لما اسكرها ما تنفتح واضيف البقدونس - الطماطم - الخيار - البصل - البطاطس المقلي - الدجاج ثم الثوم والطحينيه
ونلف الرول
ونكمل بهذه الطريقه
والنتيجه النهائيه
احلى طبق شاورما ماشاء الله تبارك الله || والطعم حكايه ||
اتمنى تجربونها وبالعافيه علينا وعليكم
